Модерна декаденција

Најавен лани во јуни, најбрзиот сериски произведен хиперспортски Bugatti излегува од ателјето во Мулуз.

Во слава на луксузот и традиционалната моторизација Chiron Super Sport го мобилизира хорот од 16 цилиндри, поставени во W формација, засилен со четири турбо изведувачи. Способно без напор да достигне брзина до 440 км/ч, срцето произведува 1.600 КС благодарение на темелно модифицираната верзија на познатиот 8,0-литарски W16 мотор. Еден од првите Chiron Super Sports што беше испорачан доби посебен третман од програмата за прилагодување Sur Mesure на Bugatti. Со нарачана боја „Vagues de Lumière“, персонализираната единица е резултат на блиската соработка помеѓу неговиот нов сопственик и тимот на Bugatti Sur Mesure. Сложениот стил „Vagues de Lumière“ е вистинска демонстрација на степенот до кој клиентите можат да го направат секое Bugatti лично свое. На овој примерок сложената насликана шема е рачно насликана и го имитира начинот на кој светлата се рефлектираат од заоблените панели на Chiron Super Sport. Можностите за персонализација се неограничени, но од самите желби на клиентите зависи рокот на испораката и цената.