BMW на тронот во Америка

Според извештајот за задоволство на Consumer Reports сопствениците на BMW се најзадоволни од своите автомобили

American Consumer Reports секоја година објавува листа на најдобрите производители на автомобили, а оваа година BMW го освои првото место благодарение на особено добрите перформанси при возење и силните резултати од анкетирањето на сопствениците. Станува збор за студија во која се опфатени 32 марки на автомобили врз основа на повеќе од 50 тестови и процени а најважни фактори се перформансите, безбедноста, издржливоста и доверливоста на нивните возила. Според извештајот на Consumer Reports BMW, Subaru, Lexus и Honda редовно се наоѓаат на највисоките места бидејќи нивните  перформанси при возење, сигурноста, задоволството на сопствениците и безбедноста се оценети највисоко. BMW се закити со првото место оваа година благодарение на особено добрите перформанси при возење и силните резултати од анкетирањето на сопствениците.