Пријатни вести од Alfa Romeo – компактниот Junior доби посебно издание
Веќе самата ознака Sport Speciale кажува дека е направен да додаде уште малку стил на и онака симпатичниот кросовер. Надворешноста ја карактеризираат сјајни црни акценти истакнати со сребрени инсерти на браниците и праговите. Тркалата се впечатливи а задните стакла затемнети. Посебно допадливо е што опционалниот црн покрив може да се комбинира со било која боја на каросеријата.
Предните седишта се електрично подесливи и загревани, со извезен логотип на марката на наслоните за глава. За визуелно облагородување нашироко е користена алкантара со контрастни шевови а педалите и плочките на праговите се алуминиумски. Покрај панорамскиот покрив за комплетно задоволство е наменет опционалниот технолошки пакет кој вклучува адаптивен темпомат, електрично отворање на багажникот, камера за возење наназад и други нешта.
За жал измени во механиката нема.
