FIAT Argo X – Бразилската Grande Panda

Fiat Grande Panda  под ново име и благи дизајнерски промени ќе почне да се произведува во Бразил

Во тек на наредните месеци во Бразил ќе започне да се продава Argo X, јужноамериканскиот брат близнак на Grande Panda. На прв поглед, новиот модел изгледа идентично, но ако детално се гледа забележливи се суптилни стилски промени прилагодени за конкретниот пазар. Пред сè, вратите имаат помазни површини, многубројните моделски натписи што ги има донаторот се избегнати, амблемите на FIAT на предната маска и на задната врата се поставени симетрично, за разлика од ретро-инспирираната, поместена позиција кај европската верзија, а на задниот дел стои и ознаката Argo X.

Главната разлика во однос на Grande Panda се очекува да биде во погонските единици. Наместо 1,2-литарските трицилиндрични турбо-мотори присутни кај европскиот модел, јужноамериканскиот „близнак“ се очекува да користи трицилиндрични мотори со зафатнина од еден литар кои можат да работат и на бензин и на етанол. Основниот атмосферски мотор се очекува да испорачува до 75 коњски сили  и ќе биде поврзан со петстепен мануелен менувач. Можно е да биде достапна верзија со турбо и 12-волтен благ хибриден систем и моќност од 116 КС, во комбинација со CVT менувач. Fiat Argo X ќе се произведува во автомобилскиот центар на Stellantis во Бетим, Бразил.

Сподели

Последни новости

Актуелни цени на горивата

  • еуросупер 95 - 80.50 ден
  • еуросупер 98 - 83.00 ден
  • еуродизел Д5 - 69.00 ден
  • течен нафтен гас - 48.00 ден
  • метан - 69.00 ден

Сакате да добивате известувања?

Зачлени се на нашиот NEWSLETTER