Кинезите повторно се надминаа самите себе си – втората генерација на луксузниот теренец Aito M9 настанат во соработка на Seres групата и Huawei може да вози и на три тркала.
Овој модел лансиран пред само две години е достапен во две верзии, стандардна и продолжена која се растегнува на дури 5,4 метри. Сé во него е подредено на незамислив луксуз – доаѓа со пет или шест седишта, има четири екрани,
аудио систем со 43 звучници и автономен систем со сериозни способности кои ги обезбедуваат 6 лидари, 5 радари, 12 ултразвучни сензори и исто толку камери. Патниците се заштитени со безброј безбедносни системи а за комфорот се грижи активната платформа со двокоморно воздушно ослонување и електронски контролирани амортизери.
Уникатност му се и интелигентните светлосни групи кои можат да проектираат скоро сé. Се нуди со повеќе погонски групи – електрични со неколку нивоа на моќност и максимални 890 коњски сили и со бензински мотор како продолжувач на автономијата.
Во согласност со сето споменато е и цената која стартува од за Кина сериозно високи 60 илјади евра.
