Додека големите се откажуваат од водородните технологии, сосема непознатата компанија со звучно име Astron Aerospace тврди дека има развиено револуционерен мотор на овој вид погонско гориво!
И тоа до толку што е тешко да се поверува – според нив овој во некоја основа ротационен агрегат со тежина од 54 килограми се врти до 25.000 вртежи во минута и развива моќни 400 коњи и 678 њутн-метри вртежен момент.
Според компанијата со седиште во Вичита, Канзас нејзините инженери во целост успеале да ја елиминираат потребата за водено ладење и да постигнат повеќе од 60 отсто термичка ефикасност што е далеку подобро од моторите со внатрешно согорување.
Има само 82 составни дела и бидејќи користи водород производ на согорувањето е само вода, без никакви издувни гасови. Останува да видиме дали во сето ова има некаква реална вистина и ако е така дали ќе заживее.
