Гледање во иднината низ призма на минатото
На светски познатата смотра Pebble Beach Concours d’Elegance во Монтереј, Bentley ја претстави визијата за изгледот на својот прв електричен модел.
Помалку необично е што студијата ЕХР 15 има караванска каросерија, но судејќи според фотографиите, таа е подеднакво импонзантна како и лимузините на „летечкото Б“.
Иако не е наменет за производство, иновативниот „гранд турер“ дава навестувања за дизајнот на идните Bentley автомобили, вклучувајќи го и долгоочекуваниот прв целосно електричен автомобил на брендот.
Со својата иконска исправена решетка, долгата „бесконечна“ хауба и кабината ориентирана на назад, EXP 15 потсетува на купето Bentley Speed Six Gurney Nutting Sportsman од 1930 година, познат како „Синиот воз“.
Како и тој иконски Bentley од пред 95 години, EXP 15 има три седишта за да им овозможи поголем луксуз во транспортот на своите патници, со иновативен простор за складирање во кабината за драгоцени домашни миленици или рачен багаж. Концептот EXP 15 отелотворува пет принципи на надворешен дизајн кои ќе влијаат на идните сериски автомобили на Bentley.
Заедно, овие принципи ја дефинираат формата и функцијата на луксузните и одржливи гранд тур автомобили. Повратните информации добиени од публиката на Пебл Бич ќе бидат искористени за да се еволуира дизајнот на брендот, додека компанијата го дефинира дизајнирањето и развојот на следната генерација електрифицирани автомобили на Bentley.
