Помодерен дизајн и хибриден погон
Во пресрет на лансирањето MG ги објави првите фотографии и технички детали за хибридниот ZS кој ќе ја дополни бензинската и електрична понуда на моделот. Новиот кросовер ќе го задвижува 1,5 литарски агрегат кој во корелација со моќниот електромотор ќе испорачува заеднички 196 KS и 465 Nm максимален вртежен момент. Тоа ќе му овозможи забрзување до 100 km/h за солидни 8,7 секунди и комбинирана потрошувачка од само 5,1 l/100 km, со 115 g/km емисии на CO₂.
Продажбата во Велика Британија ќе стартува во октомври по цени од 21.995 фунти (26.100 евра) за основниот модел. Кога ќе биде понуден на другите европски пазари засега не е објавено.
