Прва светска сеопфатна анализа на концептни автомобили
AutoBest Think Tank претставен лани на гала вечерта во Барселона чиј претседател е легендарниот дизајнер и член на DesignBest Алејата на славните Френк Стивенсон, ја објави својата прва награда „Иднината е тука“. Таа е многу повеќе од награда – се однесува на визијата на AutoBest за иднината на мобилноста. Нејзин прв добитник е Renault Scenic Vision кој ја заслужи после длабока анализа направена од членовите на AutoBest жирито и потврдена од Френк Стивенсон. Тие разгледаа неколку концепти претставени минатата година не само во поглед на дизајнот туку и во издржливоста и реалистичниот пристап нивните особини и елементи да се преточат во светот на автомобилите. Наградата беше врачена на Лука де Мео, главниот извршен директор на Renault групата на посебна церемонија на салонот на автомобилите по Париз.
„Навлеговме длабоко во нашето истражување за да разбереме колку реални и подготвени за производство се концептните автомобили што ги разгледавме. Нашата анализа ги вклучува и процентот на рециклирани материјали и степенот на можност за рециклирање на автомобилот и компонентите после неговиот животен век. Во сите нивни делови баравме револуционерни технологии за зачувување на животната околината и карбон-неутрално производство. AutoBest отсекогаш е многу чувствителен за енергетската ефикасност во производството на автомобили. Единствениот европски проект EcoBest Challenge е јасен пример за тоа како AutoBest делува во тој поглед“ – рече Дан Варди, основач и претседавач на AutoBest институцијата.
Примајќи ја наградата Лука де Мео изјави: „Многу сме горди што ја добивме оваа нова награда од AutoBest за нашиот концепт Scenic Vision. Благодарејќи на експертизата, визијата и креативноста на нашите екипи ние како автомобилски производител имаме можност да ги промениме нештата и да предложиме конкретни решенија за поодржлив развој и декарбонизација на нашите производи. Денес Scenic Vision го олицетворува ангажманот на Renault кон нашата нова стратегија. Тој е повеќе од обичен концепт и докажува дека сме на пат да ги оствариме нашите цели.“
