Дизелот и бензинот 95 за половина, а 98 за цел денар поевтини

Со денешната одлука на регулаторната комисија за енергетика заради намалувањето на референтните цени на нафтените деривати на светскиот пазар кај бензините за 0,86% и кај дизелот за 1,39%, како и заради поскапувањето на доларот за 0,2%, малопродажните цени на нафтените деривати во Македонија се намалуваат во просек за 0,4%. Така од ноќеска на полноќ литар еуросупер БС-95 ќе чини 108,50 денари, литар бС-98 110,50 денари, а литар еуродизел Д-Е V 103,50 денари.