Шест претенденти

објавено 20. октомври 2021

Годинава на специјализираниот полигон за тестирање и обука на Австрискиот Автомобилски клуб во Тесдорф втора година по ред ќе се извршат тестирањата на финалистите за наградата „Best Buy Car of Europe“. Во организација на најголемото жири во Европа и светот AUTOBEST собрани се преставници на 32 европски земји и ги оценуваат конкурентите според сложена матрица од 13 критериуми. За титулата „AUTOBEST 2022“ ќе се борат Dacia Spring, Hyundai Bayon, Opel Mokka, Renault Arkana, Skoda Fabia и Toyota Yaris Cross. Финалните тестови ќе се извршат на 24. и 25. ноември по што ќе бидат објавени резултатите на гласањето.