Нови задолженија

Škoda ја презема одговорноста за платформата за мали автомобили во групацијата VW

објавено 15. октомври 2021

Со успешното адаптирање на модуларната матрица MQB-A0 Škoda го убеди концернот VW дека е способна да се грижи за развојот на платформата за сите мали возила од групацијата. Kushaq е полн погодок во Индија за каде специјално беше развиена каросеријата. Иновативниот приод ги отвори портите Чесите да преземат одговорност за платформата за мали автомобили во сегменти чувствителни на цените. Платформата MQB-A0 ќе се користи во целиот свет и ќе служи на сите членки на групацијата VW како основа за нови модели со мотори со внатрешно согорување во пониските сегменти на возила. Фокусот е ставен на региони за раст како што се Индија, Русија, Африка, Латинска Америка и земјите каде малите и поевтини модели се во фокусот на побарувачката.