Hyundai остана без Лук Донкерволке

Славниот белгиски дизајнер ја напушти работата во Hyundai

Објавено на 1 мај 2020 година

Од Кореја пристигна вест за која автомобилскиот свет не беше подготвен – Лук Донкерволке се повлече од главното дизајнерско место во Hyundai. Причините како наведува тој се лични, додавајќи во својата изјава: „Ми беше чест и привилегија да придонесам во обликувањето на иднината на Hyundai, Kia и Genesis“. Корејската компанија официјално нема објавено ништо за ова, ниту пак кој ќе го замени на позицијата шеф на дизајнот на целата групација на која беше четири ипол години, за која се размислува да биде укината. Дотогаш дизајнот на Hyundai и Genesis ќе го води Санг Јуп Ли, а за Kia ќе биде одговорен неодамна пристигнатиот Карим Хабиб.

Славниот белгиски дизајнер својата кариера ја започна во Peugeot во 1990-тата. Две години подоцна премина кај Volkswagen, каде беше одговорен за многу успешни модели, вклучувајќи ги Škoda Octavia, Audi A2, Lamborghini Murcielago, Seat Ibiza, Bentley Flying Spur…