BMW M го прославува производството на своето милионито возило
Јубилејното возило е BMW M3 со специјална боја BMW Individual Fire Orange III, произведено во фабриката на BMW Group во Минхен. Овој подвиг означува значаен момент во повеќедецениската историја на BMW M, која се одликува со исклучителни перформанси, иновативност и емотивно доживување при возењето. Воедно се најавува дека главната фабрика на BMW Group во Минхен ќе го произведува и целосно електричниот BMW M3.
Тоа ќе биде првиот модел со високи перформанси што ќе ја користи технологијата BMW M Neue Klasse. Од 2027 година па натаму, BMW Group на оваа локација ќе произведува исклучиво целосно електрични возила. За таа цел, фабриката беше успешно реорганизирана и прилагодена без притоа да се прекине тековното производство.
