Предрасудите паѓаат

Зголеменото присуство на кинеските марки во Европа полека ги руши предрасудите што купувачите ги имаат према нивните возила. Според една анкета направена неодамна, 29% од возачите од Велика Британија и 30% од Германија без проблем би купиле кинески автомобил. Сепак долг е патот додека тие целосно ги урнат бариерите што им се испречуваат. Најголема пречка во моментот е што за купувачите од Европа кинеските брендови им се сосема непознати. Перцепцијата за нивниот квалитет и она што го нудат изостанува, а маркетиншките активности се сведени на минимално ниво. Кинезите сепак треба да сфатат дека за добар дел од тукашните купувачи, според анкетата 59% од Германците и 66% од Британците, потеклото на возилото е важно бидејќи врз основа на тоа создаваат слика за она што може да очекуваат од него. Лекцијата сепак е научена, останува уште да се спроведе во пракса за што сигурно ќе требаат повеќе години. Во тоа сепак многу ќе им помогне електрификацијата бидејќи факт е дека кинеските производители предводат во поглед на имплементацијата на нови технологии.