Тендер за автопатот Скопје-Блаце

Објавено на 25 јули 2019 година

После многу години најави, конечно е направен првиот чекор кон изградбата на автопатот Скопје-Блаце – објавен е тендерот за првите 2 од вкупно 12,5 километри кои ќе го поврзуваат главниот град на Македонија со границата со Косово. Парите за нив се обезбедени од страна на јавното претпријатие за државни патишта, додека остатокот ќе се финансира со средства од Европската Унија. Изградбата се очекува да започне пред крајот на годинава, а според планираното тој треба да биде готов до 2023-тата. Автопатот ќе биде проектиран за брзина од 100 километри на час и ќе има по две ленти за возење широки 3,5 метри и една за застанување во секоја насока, четири тунели и осум моста и клучка и 2 кружни тека кај селото Блаце и граничниот терминал. Со него патувањето до Приштина ќе се скрати на помалку од еден час.