Премиера – Citroën ë-C3

Share on facebook
Share on twitter
Share on linkedin

Citroën ја лансира четвртата генерација на C3 првично во електричен формат наречен ë-C3.

Новиот C3 сè уште е мал хечбек со пет врати, но е повисок и покоцкест од порано, земајќи стилска инспирација од теренците. Напред, каросеријата се одликува со новото, вертикално лице каде блеснува новото овално лого на Citroën и сјајните црни решетки. Светлосните групи, и предни и задни, инспирирани се од концептот Oli.

Новитетот е повисок од неговиот претходник, со висина од 1,57 метри, што му дава дополнителни 60 мм растојание од подлогата во споредба со автомобилот во заминување. Од Citroën велат дека тоа ќе биде корисно во експлоатацијата, а истовремено ќе ја подигне возачката позиција за полесен пристап и излез.

Сепак, во стајлингот има дефинитивен отисок на теренец, со црна обвивка на лакот на тркалата поставена на сите модели и украсни шини на покривот што ги красат поопремените изведби. Citroën  ќе понуди многу опции за персонализација, со таканаречениот систем „Color Clip“ кој им овозможува на возачите да го персонализираат својот автомобил по желба.

Има четири обоени влошки поставени околу автомобилот, со две во црните рамки на долниот преден браник и два во панелите зад задните врати. Понудени се три бои на влошките- инфрацрвена, лимонова жолта и поларно бела. Клиентите можат да набават купат цело пакување или да ги купат сите, а потоа да ги измешаат и спојат за да одговараат на нивното расположение.

И бидејќи влошките доаѓаат со алатка за отстранување, тие можат да се сменат во секое време без помош од сервисер. И покрај тоа што има многу ист отпечаток како и претходниот модел, новиот C3 е дизајниран да биде попростран од неговиот претходник, со дополнителни 30 mm простор за глава.

Citroen тврди дека С3 го има најдобриот простор за колената во класата на задните седишта, со „најмалку 20 mm“ повеќе растојание од просекот. Багажниот простор е исто така подобрен во споредба со стариот C3, иако неговите 310 литри не се водечки во класата.

Покрај тоа што дава приоритет на просторот во новиот C3, Citroën и даде на кабината високо технолошки изглед, а најистакнат е новиот хедап дисплеј, кој е малку поинаков од конвенционалните. Наместо да проектира избрани информации од групата инструменти на шофершајбната системот користи сјајната црна површина на горниот дел од контролната табла каде што ги рефлектира потребните информации, што значи дека нема дуплирање на податоците а информациите се поблиску до окото на возачот.

Тој систем е комбиниран со нов, помал мултифункционален волан. Новиот екран на допир од 10,25 инчи е забележлив за сите во кабината. Интегриран со апликацијата Citroën, системот ќе ги обезбеди сите вообичаени инфозабавни функции, со системи за навигација и камера за возење наназад, достапни заедно со функциите за поврзување на паметни телефони и други медиумски екрани.

Безбедносната технологија ќе се одликува, исто така, со автономно итно сопирање и помош за задржување лента, препознавање сообраќајни знаци и контрола на патувањето со ограничувач на брзината. Citroën не ги откри сите опции за погон што ќе бидат достапни за новиот C3, но потврди дека на избор се бензин или електричен енергија.

Не се дадени никакви информации околу моторите, но повеќе од сигурно е дека тоа ќе бидат трицилиндерските PureTech од репертоарот на Stellantis. Затоа пак, Citroën даде детални податоци за електричната верзија. Во нејзиното срце е пакетот батерии од 44 kWh кој напојува електричен мотор од 113 КС.

Тоа му овозможува на автомобилот да достигне од 0-100 км/ч за 11 секунди и максимална брзина од 135 км/ч, но поважно е  што со едно полнење ќе помине до 320 км. Батеријата поддржува брзо полнење од 100 kW, овозможувајќи надополнување на батеријата од 20 до 80 проценти за 26 минути.

Полнењето дома преку ѕиден приклучок ќе трае нешто повеќе од четири часа. Citroën се потруди неговиот ë-C3 да има достапна цена. Кога ќе дојде на пазарот, на почетокот на идната година, ќе чини 23.300 евра. Во 2025 година ќе биде претставена уште поевтина електрична верзија која ќе има автономија од 200 километри, но ќе чини 19.300 евра. Во Македонија новиот Citroën С3 ќе пристигне во втората половина на 2024-та.

Сподели

Последни новости

Актуелни цени на горивата

  • еуросупер 95 - 80.50 ден
  • еуросупер 98 - 83.00 ден
  • еуродизел Д5 - 69.00 ден
  • течен нафтен гас - 48.00 ден
  • метан - 69.00 ден

Сакате да добивате известувања?

Зачлени се на нашиот NEWSLETTER