Прекин на сообраќајот во Скопје – се снима филм

Објавено на 12 септември 2019 година

Внимателно под Кале и на Илинденска – министерството за внатрешни работи известува дека ноќеска и утре, како и во недела и понеделник, сообраќајот по улицата Лазар Личеновски (под Кале) заради снимање на филм во периодот од 18 часот навечер до 6 изутрина ќе се пренасочува по околните сообраќајници. Заради истите причини и ноќеска од 21 часот до утре наутро до 6 часот сообраќајот на булеварот Илинден во близина на Градскиот парк ќе подлежи под посебен режим и исто така ќе биде пренасочуван. МВР апелира до граѓаните да ги почитуваат наредбите што ги издаваат полициските службеници по сообраќајниците по кои ќе се одвива настанот.