Од Прилеп до Битола кај Алинци по стариот пат

Објавено на 17 септември 2019 година

Заради изведување градежни работи на магистралниот пат А3 делница Прилеп-Битола, од денес па во наредните три месеци кај ТИРЗ Прилеп во близина на селото Алинци ќе се изврши пренасочување на сообраќајот на регионалниот пат. Се работи за градење пристапен пат до технолошко-индустриската развојна зона Прилеп која се наоѓа на 10 километри од градот. Според планот предвидени се клучка и денивелиран патен јазол во две нивоа со вкупна должина од 2,8 километри. Со оваа инвестиција вредна околу четири милиони евра ќе се обезбеди безбедноста во сообраќајот на сите оние што минуваат овде, вклучувајќи ги и вработените.