Новите патарини ќе чинат 13,7 милиони евра (со видео)

Top News Македонија

Новите патарини ќе чинат 13,7 милиони евра

Објавено на 20 септември 2019 година

Со европски пари, Македонија ќе го воведува електронскиот начин на наплата на патарините со смарт-картички и токени на сите автопатски делници. Инвестицијата ќе чини 13,7 милиони евра, од кои огромен дел, поточно 13 милиони, ќе се обезбедат со заем од ЕБОР, а остатокот се наши пари. Како дел од проектот се предвидени и модернизацијата на сегашните наплатни станици кон запад, како и изградба на новите на автопатите Миладиновци-Штип и Кичево-Охрид. Планирано е и на сите патарини да се инсталираат соларни панели кои ќе обезбедуваат струја за функционирање на опремата, како и проширување на патарината кај Миладиновци. Предвидениот рок за сето тоа е 12 месеци. После тоа, целиот систем на патарини во Македонија ќе функционира интегрално, но сепак на секоја рампа ќе мора да застануваме за да ја покажеме смарт-картичката или пак ако поседуваме таг, тогаш да ја поднамалиме брзината. Како (треба да) функционира целиот систем можете да погледнете во видеото.

Видео