Новиот Kia Ceed пристигна во Македонија

Македонија

Новиот Kia Ceed пристигна во Македонија

Со пристигнувањето на новиот Ceed се комплетира гамата на Kia Motors со долгоочекуваниот нов модел од Ц-сегментот
Објавено на 19 октомври 2018 година

Третата генерација на Kia Ceed веќе е на располагање на македонските купувачи, кои можат да го разгледаат во салонот на Киа Моторс Македонија во Скопје. Направен е на новата K2 платформа, со малку променети димензии: возилото е 2 сантиметри пошироко и 2,3 сантиметри пониско. Должината и меѓуоскиното растојание останаа непроменети, а волуменот на багажникот е зголемен за 15 литри и сега изнесува одлични 395 литри. Моторната гама на новиот Ceed почнува од 1,0 литарскиот турбо агрегат со 120 коњски сили, а во бензинската понуда се вклучен и мотори со зафатнина од 1,4 литри – атмосферски и турбо, со моќност од 100 и 140 коњски сили. Ќе се нуди и 1,6 литарски турбодизел со моќност од 136 коњски сили кој ги задоволува Euro 6d стандардите. Kia ќе ги нуди моторите во спрега со 6-брзински мануелен или со 7-степен роботизиран менувач со две спојки.


Kia Ceed Новиот Kia Ceed е технолошкиот исчекор на Kia Motors во сегментот, а опремата вклучува адаптивна контрола на крстарење, управување на дел од функциите на автомобилот преку паметен телефон, JBL аудио-мултимедијален систем со три различни по големина на дисплеи, како и електронски системи за асистенција кои го следат движењето во лента, во мртва зона, во прегледот на возачот и помагаат при паркирање и излез од паркинг.

клучни зборови: ,