Електричните картинг трки на олимпијадата?

Организацискиот одбор на олимписките игри во Лос Анџелес 2028 година и меѓународниот олимписки одбор одлучуваат за проширување на листата спортови

Би можел ли некој авто-мото спорт да стане олимписки спорт? Реални шанси за тоа постојат бидејќи процедурата е започната – на ред се организаторите на олимписките игри во Лос Анџелес и меѓународниот олимписки одбор. Тие треба да одлучат за проширување на бројот на спортови кои ќе се сметаат за олимписки меѓу кои е и авто-мото спортот. Доколку помине позитивно, најголема веројатност да бидат избрани се електричните картинг трки. Покрај нов, кандидати за нови олимписки спортови се и крикетот, лакросот, сквошот, брејкденсот, каратето, кик-боксот и бејзбол/софтболот. Одлуката се чека да биде донесена наредниве недела, за потоа официјално да биде потврдена во октомври. FIA го започна пропагирањето на оваа идеја уште во 2018-тата.