Ford прекинува со производството на Fiesta

Последната Fiesta ќе се симне од производствените ленти наредната недела

Еден од најпопуларните мали автомобили во историјата стигна до крајот на својот живот – Ford завршува со производството на Fiesta. Издржа седум генерации и 47 години за кои беа произведени повеќе од 20 милиони примероци, што ја прави еден од најпродаваните модели во историјата на марката. За жал, дојде време кога мора да падне како жртва на новата политика на Ford за фокусирање на поголеми и поскапи, а со самото тоа и на попрофитабилни модели како почетна точка на патот што ќе ја однесе марката во електричните води. Фабриката во Келн каде се произведува веќе се трансформира за тоа и од нејзините монтажни ленти во иднина ќе излегува кросоверот Explorer.