„Бомба“ во Аеродром, затворени булевари

Објавено на 7 април 2019 година

Од полицијата известуваат дека денес до 17 часот булеварот Видое Смилевски Бато во скопската населба Ново Лисиче, општина Аеродром, ќе биде затворен за сообраќај. Причината е експлозија на бомба која треба да биде снимена за потребите на долгометражниот филм со работен наслов „Хомо”. Одделението за безбедност на патниот сообраќај ќе преземе мерки за посебен режим на сообраќајот кој ќе се пренасочува по околните улици. Фотографијата со која ја илустриравме оваа вест е од една показна вежба на единиците на МВР и нема никаква врска со денешниот настан.