Студијата на J.D. Power покажа дека како што се зголемува конкуренцијата, потрошувачите ја губат својата лојалност кон брендовите
Додека некои брендови продолжуваат да ги привлекуваат веќе освоените купувачи назад во нивните салони, зголемувањето на залихите на возила по пандемијата значи дека сè помалку купувачи на нови возила се лојални на брендот што моментално го возат. Како што достапноста на возилата се зголеми и има повеќе избор на пазарот, лојалноста кон брендовите како целина забележа пад оваа година заклучи одделот за податоци и аналитика во J.D. Power.
Во извештајот како причина за тоа се наведува дека сопствениците беа врзани за своите возила подолго од нормалното поради тековните прекини во синџирот на снабдување, и како резултат на тоа беа поверојатно да искусат проблеми со нивните возила. Сепак, постојат некои работи што брендовите можат да ги направат за да ги поттикнат своите клиенти да останат лојални.
Кога купувачите ќе искусат одличен квалитет на изработка или добро сопственичко искуство, купувачите имаат тенденција да ги наградуваат брендовите со враќање кај нив. Во моментов, тоа значи дека истите познати брендови се на врвот на индексот на лојалност кон брендот. Porsche води на рангирањето за премиум марки на автомобили втора година по ред, со стапка на лојалност од 56,8 проценти. По него следи Mercedes чија стапка е 50,5 отсто.
Помеѓу автомобилските марки на масовниот пазар, највисоко котира Toyota со стапка од 60 проценти, а по неа е Honda, чија стапка е 55 проценти. Острата конкуренција во премиум секторот значи дека лојалноста е релативно ниска во сегментот на спортско корисни возила. Volvo го предводи патот за премиум брендовите, со стапка на лојалност од 56,5 отсто а BMW е на второто место со 56,1 отсто.
