За само некоколку недели автомобилскиот свет го збогатија неколку новости кои на големо го најавуваат водородот како погон на иднината. Без оглед дали се работи на технологијата на согорување во цилиндрите или горивни ќелии водородот како солуција го гледаат се поголем број производители. Нив им се придружуваат спортски ориентираниот Alpine и американскиот RAM. За долгото топло лето Mercedes го лансира AMG CLE 53 4-Matic+ Cabriolet, лимузината на рускиот претседател Путин Аурус Сенат доби редизајн, за љубителите на слободното патување пристигнува VW California, а денеска гостин ни е претседателот на Porsche Club Macedonia Љупчо Грујовски.
