Сега како SUV

Иако сите (предвреме) го отпишаа, Renault Espace ќе продолжи да живее

Espace е добро познато име. Секоја негова генерација ефикасно одговараше на очекувањата на купувачите и тој секој пат наново се позиционираше како автомобил на своето време. Затоа е очигледен изборот на Renault така да биде означен новиот модел на претстоечки SUV кој ќе настапува како шеста генерација на познатиот моноволуменец. Со него ќе започне ново поглавје во кое овој модел ќе биде олицетворување на ревитализацијата на брендот, истовремено следејќи ги претходните генерации на Espace и останувајќи им лојален бидејќи ќе биде удобен, иновативен и на самиот врв на понудата на Renault. Новиот Espace кој ќе биде поставен на CMF-CD платформата на алијансата, ќе може да прими 5 или 7 луѓе. Неговата премиера ја очекуваме веќе пролетва.