Бројот на автомобили расте

На врвот Лихтенштајн и Исланд, на дното Македонија, Албанија и Турција

Сведоци сме на поскапувањето на возилата и намалувањето на продажбата последниве години, но според европските статистичари бројот на автомобили на илјада жители во Европа расте. Нивните податоци кои се однесуваат на периодот до 2021 година јасно го покажуваат тоа. На врвот со значително повеќе од просечните 517 автомобили на илјада жители се земји како Лихтенштајн и Исланд, а на дното пак Македонија, Албанија и Турција со многу помали бројки. Изненадува високиот степен на моторизација на Полска и Естонија, како и нискиот пласман на Ирска, Данска, Шведска и Велика Британија.

Иако некомплетни, Eurostat има податоци и по региони. На големо изненадување, областите на Аоста и Тренто во Италија се далеку, далеку натпросечни – дури 1.787 односно 1.285 автомобили на илјада жители. Од друга страна, пак, во далечните источни покраини на Турција има едвај по 20-тина автомобили на илјада жители.