Данскиот производител на суперавтомобили Zenvo не е звучно име, но тивко работи на нешто гласно.
Проектот наречен Aurora е во развој веќе некое време а тимот на Zenvo најавува дека под хаубата ќе биде сместен најмоќниот V12 поставен во сериски патен автомобил. Моќната централа наречена Mjølner, по чеканот на Тор, комбинира четири турбополначи со хибриден систем.
Без хибридните елементи моторот произведува 1.250 КС, додека со помош на молњите силата ќе достигне 1.379 kW или 1.860 коњи! Инженерите нагласуваат дека моторот достига 9.800 вртежи во минута и користи технологија Mahle Jet Ignition за да ги контролира емисиите.
Zenvo тврди дека функционирањето во секојдневниот сообраќај е приоритет, што може да изгледа како чудна грижа за автомобил со толкава моќност. И да ги направи работите уште поапсурдни, марката го става овој мотор во најлесниот автомобил што некогаш бил произведен кај нив.
Според Јенс Свердруп, претседател на Zenvo Automotive, се е до искуството што ќе го понуди автомобилот. „Клучен дел од програмата Аурора е околу обезбедувањето емотивна врска со возачите и патниците, дизајнирана да ги стимулира сетилата“, објаснува Свердруп. Вели дека тимот на Zenvo е сочинет од страсни, вистински „момци од автомобили“ и не се раѓа секој ден V12 мотор.
Фактот дека тој е најмоќниот мотор за патни автомобили во светот не беше нешто што Данците сакаа да го постигнат, туку е резултат на тоа што знаат дека е можно. Гледајќи го пакувањето, овој мотор изгледа како уметничко дело.
Турбо полначите се релативно мали и цврсто набиени помеѓу двата брега на V моторот. Топлинската заштита, за сè да работи правилно, покрива голем дел од опкружувањето на моторот. Според Zenvo, првата Aurora е веќе направена и во моментов се тестира.
