Што може да се направи за три минути? Дефинитивно малку нешта но, за тоа време, Xiaomi успеа да прими неверојатни двесте илјади резервации за новиот YU7.
Секоја од нив е потврдена со депозит од 600 евра. Уште по интересна ја прави прикаската податокот дека во првиот час 289 илјади купувачи застанаа во ред за својот примерок на електричниот кросовер.
Тоа е и разбирливо бидејќи цена стартува од нешто малку над 30 илјади евра. Дека овие бројки далеку ги надминаа и најамбициозните продажни планови сведочи и фактот што фабриката во која ќе се произведува има капацитет за 300 илјади возила годишно.
Новиот YU7 е средно голем кросовер долг пет и широк два метра со електрична архитектура која работи на 800 волти. Основниот модел има електромотор од 320 коњски сили и автономија од 835 километри.
Верзијата со погон на сите тркала располага со 496 коњи а топ моделот со дури 690 кои го лансираат до сто на час за 3,2 секунди и дотеруваат до максимални 253 километри на час.
За одбележување е високото ниво на опрема која вклучува и системи за автономно возење. Компанијата се надева дека ќе започне со извоз во 2027 година.
