VW Golf на струја поевтин отколку на бензин

Не, не мислиме во возење туку при купување

Објавено на 5 октомври 2019 година

И тоа да го доживееме – еден автомобил, и тоа не било кој туку Volkswagen Golf, да биде поевтин на струја отколку на бензин. Причини има две – доаѓањето на електричниот ID.3 кој ќе го замени, и новата осма генерација на европскиот бестселер. Заради тоа, кога на сојузните бенефиции на германската влада за електричните возила ќе се додадат огромните попусти што ги понудија дилерите, се стигнува до цена од нешто повеќе од 20.000 евра, наместо редовните 31.900, кои, патем кажано, од страна на VW веќе се намалени за 4.000 евра. Па, кој сака нека повели…