Новата генерација на горивните ќелии станува поевтина, поиздржлива и 20% поефикасна
Toyota ја претстави својата трета генерација горивни ќелии со која се направени значајни подобрувања. Најновиот погон ќе пристигне по 2026 година и ќе се користи во многу возила. 
Популарноста на електричните возила се зголемува, но сé уште тие се соочуваат со многу предизвици, меѓу кои, најголеми се нивната висока цена и недоволната распространетост на точките за полнење, особено во земјите кои каскаат со својот развој. Како алтернатива на БЕВ се јавуваат возилата кои ги погонува системot на водородни горивни ќелии кој, исто така, е погон со нула емисии на штетни гасови.
Имено преку хемиски процес течниот водород произведува струја која ja користата електричните мотори. Сепак, мал број производители на автомобили продолжуваат да инвестираат во возила со горивни ќелии. Toyota е еден од нејзините најголеми поддржувачи и компанијата ги објави првите детали за својот трета генерација на горивни ќелии кој ветува дека ќе биде голем чекор напред. Toyota најавува значително намалување на трошоците благодарение на иновациите во дизајнот на ќелиите и процесите на производство.
Покрај тоа што е попристапен, најновиот систем на горивни ќелии ветува дека ќе биде до двапати поиздржлив. Всушност, компанијата вели дека нејзиниот систем од трета генерација има издржливост споредлива со дизел мотор. Инженерите се фокусираа на подобрување на ефикасноста на горивото и ова резултира со зголемување од 20% во „досегот на крстарење“. Сегашниот Mirai може да патува 647 км помеѓу полнењата. Ова значи дека секое зголемување на ефикасноста на горивото би било добредојдено поради високата цена натечниот водород.
Овој систем е погоден бидејќи може да се инсталира во патнички автомобили, комерцијални возила, бродови, возови и стационарни генератори. Се планира да пристигне по 2026 година и ќе се нуди во Северна Америка, Европа, Кина и Јапонија. Откако Mirai беше лансиран во 2014 година, Toyota продаде приближно 28.000 примероци на глобално ниво. Системот на горивни ќелии се користи и во преку 2.700 други апликации, од автобуси до генератори.
