Скромни измени и нова хибридна верзија
Три години по појавувањето, Toyota со освежи Yaris Cross за подобро да се бори со конкуренцијата во сегментот преполн ривалски субкомпактни кросовер модели
Внимателно и добро обмислено, Toyota го освежи малиот кросовер кој и покрај своите недвосмислени квалитети не успеа солидно да се наметне кај купувачите. Измените на надворешноста се скромни и го опфаќаат само најскапиот пакет опрема, а во внатрешноста срамежливо се додадени нови материјали. Најголемата измена се виртуелните инструменти кои во зависност од нивото на опрема доаѓаат во две големини, исто како и екранот на мултимедијалниот систем на кој му се одадени нови функции. Додадени се и нови материјали за акустична изолација, а најинтересни за купувачите ќе бидат електронското отклучување со помош на телефон, како и новата хибридна верзија. Атмосферскиот мотор од 1,5 литри е истиот како и кај сегашната верзија, но со новиот електромотор испорачува 132 коњски сили. Нова е и управувачката електроника, а досегашната верзија од 116 коњи ќе остане иста. Сетот електронски асистенти е обновен а во понудата и понатаму ќе биде и обичниот Yaris Cross без хибридна поддршка и со 125 коњски сили.
За колку ќе бидат корегирани цените и кога ќе започнат испораките засега не е објавено.
