Произведено милионитото возило

Првата инвестиција на Tesla надвор од САД е Гигафабриката во Шангај во која се произведуваат Model Y и Model 3. За само две години работење таму се произведоа еден милион возила што е успешна приказна за компанијата. Со тоа оваа фабрика стана најпродуктивна за електрични возила глобално, а  портфолиото на Tesla се искачи на три милиони произведени БЕВ, од кои два милиони излегоа од Гигафабриката во Невада.

Амбициите на Илон Маск не застануваат на ова. Според него, до крајот на декадата Tesla ќе ги прошири своите капацитети со цел да достигне 20 милиони возила годишно. Во остварувањето на таа цел голем удел треба да има Гигафабриката во Германија, а за нови погони, кои ќе бидат неопходни да се направат за да се достигне најавуваното производство, нема официјални најави.