Škoda – Fabia во производство

Вести

Четврта клапа

Најавувана за пазарен деби од септември, новата Fabia започна да се произведува

објавено 13. јули 2021

Во фабриката во Млада Болеслав започна да се произведува четвртата генерација на Fabia. Веќе пренесовме дека таа се базира на модуларната попречна матрица MQB-A0 на VW и нуди најдобар простор во својата класа, како и нови системи за безбедност и асистенција. За прв пат, малиот автомобил ја надминува границата од четири метри.

Волуменот на багажникот, веќе најголем во сегментот во претходната генерација, се зголеми за 50 литри. Во новото издание сега има 380 литри капацитет што е прифатлив формат во компактна класа. Со својот коефициент на отпор на воздухот од 0,28 Fabia има втора најдобра вредност во нејзината класа. Škoda ја нуди Fabia sо пет различни мотори. Цените во ЕУ ќе  започнуваат од 13.990 евра.