Уникатниот, трет по ред, модел на тема Droptail е прекрасен и ќе се вози во Сингапур
Rolls-Royce го претстави и третиот од вкупно четирите планирани автомобили од Droptail серијата наменети за ексклузивни купувачи со истенчен вкус кои знаат што сакаат и не прашуваат колку тоа чини.
Наречен Arcadia, овој раскошен родстер е врвно уметничко дело во секој поглед. Конструкцијата е една од најсложените некогаш направена, а извонредната комбинација на детали создава оптимална атмосфера за релаксирано возење. Уникатната бела боја содржи честички алуминиум и стакло кои предизвикуваат блескање на каросеријата на сонце.
Елементите од јагленородни влакна се обоени сребрено, а како и другите примероци од серијата задниот поклопец е прекриен со дрво. И дел од внатрешноста е од истиот материјал, за чија филигрански совршена обработка на експертите на Rolls-Royce се потрошени дури 8.000 работни часа.
Освен тоа колкаво внимание е посветено на прецизноста кажува и фактот дека на тимот на компанијата му требаа повеќе од две години да го развијат и пет месеци да со склопат часовникот на контролната табла. Во целата оваа приказна нема место за перформансите – нив ќе ги знае само сопственикот кој е од Сингапур.
