Renault има ново раководство

Карлос Гон е сменет и од раководните места во Renault

Објавено на 28 јануари 2019 година
Автор: Валентин Станеску

Два месеца откако јапонските власти го уапсија, Карлос Гон поднесе оставка во Renault. Неговите функции сега ќе ги извршуваат Жан-Доминик Сенард како претседател и Тиери Болоре како генерален директор. Со новата управувачка структура е предвиден и активен надзор над работата на алијансата, на чие чело сé уште се наоѓа Карлос Гон. Најмоќниот човек во автоиндустријата беше обвинет во Јапонија за лажно прикажување на своите примања и проневера на милионски суми пари. Тој веднаш по апсењето доби отказ од Nissan и Mitsubishi, но не и од Renault. Човекот-чудо како што го нарекуваа има мешано француско-либанско потекло, а е роден во Бразил. Кариерата ја започна во Michelin каде помина 18 години. Се приклучи на Renault во 1996-тата како потпретседател за набавки, напредни истражувања и инженеринг. Неговите неверојатно успешни резултати во преструктуирањето на компанијата за девет години го доведоа на самиот врв. Активно работеше и на формирањето на алијансата со Nissan, на која подоцна како еднаков партнер се придружи и Mitsubishi.

Според договорите што ги имаше, Карлос Гон годишно заработуваше 17 милиони долари. Доколку биде докажана неговата вина, му се заканува казна затвор до 15 години.