Службата на Volvo за поддршка на корисниците излезе со официјално предупредување…
LIDAR системот на електричниот EX90 да не се фотографира бидејќи тоа може да ги оштети камерите на телефоните.
Иако сето ова звучи како задоцнета првоаприлска шега всушност е дебела вистина. LIDAR на возилото сместен на покривот работи со помош на инфрацрвени зраци со фрекфенција која филтрите вградени во камерите не можат да ја сопрат, со што доаѓа до оштетување на фото-сензорот.
Опасност постои и за фото-апаратите но тие обично имаат поквалитетни филтри кои можат да заштитат иако тоа не е правило. Лидарот на Volvo EX90 кој го произведува Luminar е клучен уред на системите за асистенција во возењето кој овозможува прецизно детектирање на објектите на растојание до 250 метри, дури и при слаба видливост. Проблемот со оштетување на камерите не е нов – постои повеќе од дваесет години но компаниите не предупредуваат на тоа.
