Поранешниот шеф на дизајнот на Koenigsegg и Bugatti Саша Селипанов одлучи да стартува со сопствен хиперавтомобил
Наречен Nilu27 за него може да се каже дека истовремено е и убав и брутален. Убав затоа што човекот очигледно знае што работи, додека бруталноста се крие зад секоја негова бројка. Монокок структурата е од јагленородни влакна, а компонентите на задното ослонување се видливи однадвор.
Спојлерот е свиткан над трите издувни цевки, на тркалезниот управувач нема копчиња а единствениот екран во целосно аналогната внатрешност е во ретровизорот за подобра прегледност наназад.
Го задвижува 6,5 литарски V12 мотор со 1.070 коњски сили, брзината му е лимитирана на 400 километри на час а забрзувањето како што наведуваат од компанијата зависи од возачот. Само возачот ќе треба да обезбеди нешто повеќе од два милиони долари за да ги проба своите способности.