Без многу претходна помпа Mercedes-Benz ги освежи GLE и GLE Coupe
Со околу 3.000 нови или ревидирани компоненти, Mercedes-Benz го модернизираше GLE.
Највпечатливата надворешна карактеристика е новата решетка на ладилникот со осветлена ѕвезда во центарот. Фаровите се исто така редизајнирани како и стоп светлата кои сега го содржат веќе задолжителниот „ѕвезден потпис“.
Оперативниот систем на Mercedes-Benz (MB.OS) е дополнително развиен со вештачка интелигенција и сега го има стандардниот MBUX Superscreen, кој се протега низ целата ширина на контролната табла и се состои од три дисплеи.
Десет надворешни камери, заедно со до пет радарски и дванаесет ултразвучни сензори, го покриваат спектарот на системи за помош и безбедност. E-Active Body Control ја подобрува удобноста при возењето со анализа на ситуацијата при возење 1.000 пати во секунда и индивидуално прилагодување на суспензијата на секое тркало.
Амортизацијата се калибрира автоматски преку „облак“. Линијата на мотори се состои од три шестцилиндрични бензински и дизел мотори, еден plug-in хибрид и врвниот модел со V8 мотор кој произведува 537 КС и 750 Nm вртежен момент.
Дополнително, тука е и Mercedes-AMG GLE 53 4-Matic+ како само-напојувачки и како приклучен хибрид со системска моќност до 585 КС.
