После излетот во четирицилиндричните води, Mercedes-AMG се враќа на корените и најавува V8 револуција.
Од компанијата молчешкум потврдуваат дека критиките на јавноста беа оправдани и дека од возилата со оваа значка оправдано се очекува да имаат поголеми агрегати, погласен звук и емоционален дизајн.
Враќањето на она што AMG некогаш беше се очекува да започне при крајот на годината, најпрво низ кросоверските модели а потоа и во остатокот на понудата. Главен протагонист ќе биде новиот V8 агрегат кој покрај недвосмислените перформанси ќе ги задоволува и современите еколошки норми.
Истовремено неомилениот четирицилиндричен плаг-ин хибрид постепено ќе се повлекува од клучните модели.
На неговото место доаѓа редниот шестцилиндричен турбо со 450 коњски сили кој веќе се користи во GLC 53.
