Водечкиот европски производител на микроавтомобили повлече потег што никој не го очекуваше – својот најнов модел го понуди и со дизел мотор.
Возилцето наречено Myli беше лансирано како чисто електрично и со него беше најавен почетокот на преобразбата на палетата во согласност со новите времиња. Благодарејќи на симпатичниот дизајн и широкиот избор беше добро примено на пазарот и ќе успееше да ја оствари целта да стигне до 20.000 купувачи годишно.
Но сега Ligier одлучи да се врати чекор назад, всушност два бидејќи иако има и бензински агрегати на располагање, за Myli избра дизел. Моторот по потекло од италијанскиот Lombardini има 8 коњски сили и троши само 3,1 литар на сто километри. Од законски причини бидејќи може да се вози без возачка дозвола од Б категорија максималната брзината му е ограничена на 45 километри на час.
Цената стартува од 11.500 евра што е за 1.500 помалку од електричните верзии, кои пак се на располагање со три пакети батерии со автономија од 63 до 192 километри.
