Дали знаете колку е векот на траење на ЛЕД светлата?
ЛЕД светлата денес ги има секој автомобил. Изгледаат убаво, но воопшто не се евтини за поправка. Проблемот не е толку изразен кај новите автомобили но кај постарите веќе е значаен. Причината е векот на траење на ЛЕД сијаличките. Производителите велат дека тие ќе издржат колку и самиот автомобил, без притоа да споменат бројки. Искуството на сервисерите пак вели тоа е најчесто околу 15 години. Колку чини нивната поправка ако воопшто е можна подобро да не прашувате – се брои во илјадници евра што во некои случаи е повеќе од вредноста на автомобилот. Затоа и ADAC јавно побара од производителите да употребуваат ЛЕД осветлување со подолга трајност но и да овозможат нивна поевтина поправка односно менување само на прегорените сегменти а не на целото светло како што сега е случај.
