По четири години пауза, Женева повторно ќе биде домаќин на салонот на автомобилите
Некогаш еден од најзначајните светски салони на автомобили се враќа на сцената, но во многу скромно издание. Вратите на салонот денес ќе бидат отворени за новинарите, кои ќе имаат лесна задача – да ги разгледаат премиерите на грст производители на возила. Од европските настапуваат Renault и Dacia, од другите попознати MG, BYD и Isuzu, а свој штанд има и Pininfarina. Се среќаваат уште неколку помалку познати имиња и тоа е сé. Нив утре ќе можат да ги видат привилегираните VIP гости а публиката од среда до недела, за што ќе платат влезница од 25 швајцарски франци.
