Ferrari има нов проект но тој нема врска со автомобилите или формула 1
Италијанскиот производител отвори дијагностички центар. Опремен со најсовремена врвна медицинска технологија, тој ќе биде на располагање на вработените во компанијата и граѓаните од Маранело и блиската околина. Изведен е во соработка со медицинскиот партнер Med-Ex и Philips кој ја обезбеди дијагностичката опрема. Идејата е да се овозможи брза и квалитетна превентивна медицинска грижа без потреба за патувања во големите болници во оддалечените градови. Затоа и имаше силна поддршка од регионалните власти и локалните здравствени служби. Освен превентивните прегледи планирано е овој центар да стане и платформа за епидемиолошки истражувања. Од Ferrari нагласуваат дека проектот не е замислен како комерцијален потфат – секој евентуален вишок на средства ќе се реинвестира во дополнителна медицинска едукација преку стипендии за младите лекари.
