Достоен за наследник на F1 GTR

Објавено на 13 март 2018 година

Автомобилот на McLaren направен во чест на Сена доби тркачка изведба. Веќе по агресивните каросериски додатоци и големото задно крило е јасно дека на инженерите во фокус им било постигнување што поголема сила на прилепување. Целта е постигната во голем стил – бројките велат дека McLaren Senna GTR создава аеродинамичен потисок од дури 1.000 килограми. Освен тоа добиен е и изглед на чистокрвен тркач, за кој во оваа фаза на развој е наменет истиот 4-литарски битурбо мотор со 825 коњи. Прашање е дали и ќе му требаат повеќе бидејќи со помош на бројните карбонски додатоци тежината е намалена на 1.200 килограми. Британците велат дека Senna GTR е најбрзиот McLaren надвор од формула 1 патеките. Дали е така ќе се уверат 75 купувачи кои ќе платат по милион и сто илјади евра за него.