Cupra има нова посластица која ќе ја вкусат само 1.500 автомобилски гурмани
Спакувана е во каросеријата на Leon а ознаката VZ треба да каже дека има 325 коњски сили кои се пренесуваат само на предните тркала.
Агрегатот е дволитарскиот турбо од Golf GTi Edition 50 и со него за спринт до 100 километри ќе требаат 5,4 секунди. Максималната брзина не е електронски ограничена и изнесува 270 километри на час.
Пакетот го дополнуваат седумстепениот DSG менувач и електронски регулираниот диференцијал кој го распределува вртежниот момент во зависност од ситуацијата. Ослонувањето е прилагодено на силата а адаптивната контрола на шасијата во милисекунди ги врши подесувања.
Сопирачките напред се шестклипни а издувниот систем дава карактеристичен звук. Во внатрешноста се користени детали од темен хром додека инфо-забавниот систем и безбедносните асистенти останаа исти како и кај обичниот Cupra Leon.
Испораките ќе стартуваат во првиот квартал идната година по цена која се очекува да изнесува околу 50 илјади евра.
