И ова што го гледате навистина е Brabus, наменет за авантуристите кои екстраваганцијата не ги плаши.
Основата е Mercedes Actros, има 530 коњски сили но максималната брзина му е само 90 километри на час. Заради тежината од 22,5 тони 12,8 литарскиот мотор не може да постигне повеќе.
Затоа пак располага со сиот луксуз што може да се смести на камионска шасија долга 12 метри.
Специјалната конструкција на растегнување овозможува да се добијат четири простории со вкупно 30 квадратни метри простор за престој во кои има сé – два 43-инчни 4К телевизори, PlayStation конзола, Starlink сателитски интернет и комплетно уредена кујната со посебен простор за вино.
Енергетскиот систем вклучува осум соларни панели, генератор и батериска единица за складирање струја со што е обезбедена независност од електричната мрежа и непречено функционирање на климатизацијата и греењето во тек на целата година.
Цената е поставена на безмалку 1,3 милиони евра без давачки.
