Британскиот специјалист Boreham Motorworks направи Escort каков Ford немаше.
Иако така изгледа, тој ниту е рестомод ниту пак реплика туку сосема нов автомобил официјално лиценциран од Ford направен со користење на оригиналните технички цртежи.
Платформата е потполно нова, со посебно изработено ослонување а за поголема стабилност при повисоки брзини меѓуоскиното растојание малку е продолжено.
За намалување на тежината делови од каросеријата се од карбонски влакна, а автомобилот нема сервоуправувач, систем против блокирање на тркалата и било каква друга електронска контрола.
Посебна приказна е моторот со зафатнина од 2,1 литар способен да истисне 330 коњски сили при десет илјади вртежи во минута, спарен со петстепен мануелен менувач. Кој сака може да добие и помал 1,8 литарски агрегат со 185 коњи.
Податоците за перформансите не се објавени. Ќе бидат направени 150 примероци по цена од 295 илјади фунти.
