BMW подготви тркачки караван за настапување во натпреварите во издржливост како што е 24 часа Нурбургринг.
Настана како последица на позитивните реакции на ланската првоаприлска шега кои одговорните во компанијата ги сфатија сериозно.
На него се работеше осум месеци и е технички близнак на M4 GT3 Evo со караванска каросерија облепена со цитати од коментарите на првоаприлската шега.
Има трилитарски шестцилиндричен мотор со 590 коњи кој треба да му обезбеди достојни перформанси за да си ги одмери силите со конкуренцијата.
Но она кај што сигурно ќе победи е привлекувањето на вниманието на јавноста.


